Hoxe, 21 de maio, os alumnos de 1º ESO recibiron a visita dunha das escritoras de maior éxito no ámbito da literatura infantil e xuvenil en lingua galega, Ledicia Costas. Esta muller, autora de diversas obras como: «Escarlatina, a cociñeira defunta» (Premio Nacional de Literatura Infantil e Xuvenil), «O corazón de Xúpiter», «Unha estrela no vento» e «A balada dos unicornios», obra co que gañou o «Premio Lazarillo» e da que nos veu falar, conseguiu atrapar aos nosos alumnos nun mundo onde a fantasía e a ciencia van da man.
Un ano máis celebramos no noso colexio o «Día das Letras Galegas» adicado este 2019 a «Antón Fraguas Fraguas», escritor, profesor, historiador, etnógrafo e antropólogo pontevedrés que adicou a súa vida a defender a cultura e a lingua galega, así como as nosas tradicións.
Autor de numerosas obras como:
-«A festa popular en Galicia»
-«Literatura oral en Galicia»
-«Lugo»
-«Romarías e santuarios»
-«Celso Emilio Ferreiro»
Recibiu moitos premios entre os que cabe destacar: «Pontevedrés do ano», o «Pedrón de Ouro», a «Medalla Castelao», o «Premio Otero Pedrayo» e o «Premio das Artes e das Letras de Galicia».
Para festexar este día os rapaces coñeceron e traballaron a vida e a obra deste ilustre escritor, recolleron imaxes e palabras relacionadas cos instrumentos musicais típicos galegos, a nosa gastronomía, os aparellos de labranza, as embarcacións e a arquitectura e a vestimenta propiamente galegas. Ditas imaxes cos seus nomes adobiaron os corredores do colexio, para que todos puideramos ter acceso a elas.
Ao longo da mañá do 16 de maio, celebrouse un acto onde os alumnos puideron asistir á proxección dun Power Point sobre «Antón Fraguas Fraguas», escoitaron como un grupo de rapaces de 4º de ESO recitaron varios poemas de escritores e escritoras galegos, puideron gozar dunhas pezas musicais tocadas coa gaita e con pandeiretas e remataron cantando o «Himno de Galicia».
Os alumnos de 3º ESO recibiron a visita da escritora María Reimóndez Meilán, autora de «Fóra do normal», libro que están a ler neste terceiro trimestre.
Ao longo de todo o curso os alumnos de 4º ESO estiveron facendo un proxecto relacionado coa literatura popular e vinculado ao proxecto de centro deste ano «Escoita o corazón da nosa ría».
Durante o primeiro trimestre tiveron que buscar información sobre as lendas e os mitos galegos relacionados coa auga, presentalos por escrito nese trimestre, expoñelos de maneira oral aos seus compañeiros de clase no segundo trimestre, e por último, contar algunhas das lendas máis chamativas ou sorprendentes a alumnos de 4º de Primaria.
Nas seguintes fotos podedes ver a algúns alumnos de 4º ESO expoñendo oralmente lendas relacionadas coa auga a alumnos de primaria.
Como non podía ser doutra maneira, desde o colexio, fixémola protagonista durante toda esta semana e realizamos diferentes actividades para celebrar este día tan especial.
Traballamos a vida e obra desta escritora, da cal algúns alumnos de Primaria e de 1º e 2º ESO leron o seu libro: «Leonardo e os fontaneiros». Ditos alumnos tiveron o privilexio de asistir o luns no colexio á adaptación teatral desta obra, representada polo grupo «Ubú teatro».
O martes, alumnos de 4º de Primaria escoitaron as lendas relacionadas coa auga por parte de alumnos de 4º ESO.
Decoramos os corredores do colexio cos slogans elaborados por alumnos de ESO (podedes ver algúns deles no Blog do Departamento de Lingua Galega) e con palabras elixidas e feitas por alumnos de Educación Infantil e Primaria.
E por último, o mércores, fixemos o acto no salón, onde todos puideron ver un Power Point coa vida e obra de María Victoria Moreno, escoitar algúns dos seus poemas, deleitarse coa música da gaita tocada por Ana Torres González (1º ESO) e Ignacio Meijón Santiago (4º ESO). E por último, entregamos os premios aos gañadores do concurso de «Slogans» en defensa e promoción da lingua galega. Sendo os agraciados: Almudena Álvarez Gutiérrez (2º ESO A) co seu slogan «Constrúe en galego» e Ana Karen Freire Núñez e Jorge Lagos Fernández (4º ESO B) co seu slogan «Si aos bicos en lingua galega».
