O aumnado de 1º ESO colaborou cos rapaces da aula Azul na limpeza da praia da Posta e do areal próximo a autovía, aproveitando a marea baixa deste venres.
Entre todos xuntaron cinco bolsas de refugallos, como plásticos, cordas, bolsas, botellas, etc. pero, sen dúbida, o que máis lles chamou a atención foi a gran cantidade de vidros e cerámicas que recolleron!
Ledos polo seu traballo comprometéronse a axudarnos noutas saídas para limpar e coidar a praia.
Rematamos o traballo nos obradoiros decorando unhas bandexas de cristal empregando a técnica do pano de papel.
O alumnado da aula Azul, igual que os séus compañeiros de 3º ESO, resultou gañadora no concurso Caderno de Campo – Xornalistas Naturais, pertencente ao programa Prensa-Escola do xornal «A Voz de Galicia».
Durante máis dun mes observamos e rexistramos os cambios que aconteceron nun recuncho da aula para investigar o ciclo vital das bolboretas de seda.
Comezamos colocando os ovos dentro dunha caixa con buratos ata que as pequenas eirugas despertaron e saíron da casca. Aos poucos minutos xa estaban comendo follas de moreira!
Ciencias, Curso 23/24, Educación Especial, Trabajos, Voz Natura
Coa chegada da primavera, o alumnado da aula Azul decorou no obradoiro uns testos de barro para cultivar as súas sementes de plantas de tempada.
Nas útimas sesións dos obradoiros os alumnos de Educación Especial decoramos, coa técnica da estampaxe, uns manteis individuais que seguro lle daremos bo uso na casa.
Na última semana do segundo trimestre quixemos deixar a punto a horta. Por iso, nestas xornadas, contamos coa colaboración do alumnado da aula Verde, que traballou arreo para deixar a horta lista ata a volta das vacacións de Semana Santa. Xuntos plantamos bulbos, recoletamos limóns, quitamos malas herbas, recollemos plásticos, hacemos compost e podamos as ramas secas do ourego.
Cos allo porros realizamos a última plantación deste mes de marzo, coa colaboración dos compañeiros da aula Verde.
No obradoiro de encadernación, o alumnado da aula Azul preparou uns cadernos e marcapáxinas para agasallar aos relatores das diferentes charlas dentro do proxecto de centro «Animais da nosa vida».
Despedimos o mes de febreiro cunha das actividades que máis nos diverte: acariñar e montar a Moka e Bali na hípica Appaloosa, en Marcón.
