No 1º trimestre na materia de Ed. Plástica e Visual o alumnado de 1º da ESO realizaron o proxecto «Formas que falan: Explorando o PUNTO, a LIÑA e o PLANO con YAYOI KUSAMA». Este proxecto tiña como obxectivo explorar os tres elementos da linguaxe visual a través da obra da artista xaponesa Yayoi Kusama. Fomentouse así a capacidade de traballar en equipo creando esta obra colectiva e desenvolvendo así habilidades técnicas mediante o uso de diversas ferramentas e materiais.

Os/as alumnos/as de 1º ESO, para traballar o lema deste ano «DÉIXATE VER», realizaron no 1º trimestre un proxecto nas materias de Ed Plástica e Titoría. Tiñan que reflectir no marco dun espello a súa personalidades (as cousas que máis lles gustan, as súa cores preferidas, as súas afeccións…) de tal maneira que as persoas que se miraran no espello veríanse imbuídas na personalidade do seu creador. Desta maneira daríanse a coñecer mellor aos seus compañeiros/as.

Neste terceiro trimestre o alumnado de 3º ESO creou un florido mural para celebrar a chegada da primavera con un cento de rosas elaboradas con espirais. Primeiro, en debuxo técnico, aprenderon a trazar varios tipos de espirais. Despois debuxaron un destes tipos en folios de cores ou cartolinas. Recortáronas para enroscalas e crear, así, as fermosas rosas que pegaron nas letras que compoñen a palabra: «PRIMAVERA».

A finais do segundo trimestre e principios deste terceiro @s alumn@s de 1º da ESO, dentro da unidade didáctica de debuxo técnico, traballaron co círculo elaborando unha longa cortina de círculos. Mediron e calcularon o número de círculos necesarios para cubrir os máis de 6 metros que lles tocaba elaborar a cada grupo, debuxaron e recortaron cada círculo e distribuiron o traballo á hora de colocalos en cadansúa tira. Traballaron con moito esforzo e obtiveron un gran resultado.