Os alumnos de 3º da ESO presentáronse ao concurso fotográfico xuvenil convocado polo Museo de Pontevedra co título «Pegadas de mar e de terra«. Como actividade complementaria á exposición de José Suárez, propuxeron un concurso de fotografía co móbil no que inmortalizar o traballo das nosas xentes, como fixo no seu día José Suárez, e as súas pegadas no mar e na terra.

Este 2º Trimestre, @s [email protected] de 1º da ESO, traballaron os elementos básicos do debuxo » Punto, Liña e Plano». Partiron da inspiración dun debuxo inicial, tomando como referencia as características do movemento artístico do «Puntillismo» (mestura de cores, tamaño e distancia entre puntos para dar efecto de volume). Unha vez elaborado o traballo de puntos, o reto foi crear a mesma obra con liñas e planos. Todo un exemplo de esforzo, creatividade e bo facer. Estes son só algúns dos excelentes resultados:

Estes son algúns dos traballos que realizaron @s [email protected] de 3º da ESO neste 2º trimestre sobre degradados, dentro do tema de «Luces e Sombras». Están elaborados en láminas DIN A4 de debuxo artístico e coloreados con lapis de cores. Realizaron ademais exercicios previos de volume e un selfie coa técnica do claroescuro.

Neste 1º trimestre deste curso 2020-2021 os alumnos de 3º da ESO realizaron diversas actividades de debuxo técnico nas que aprenderon a realizar divisións de circunferencias en partes iguais, a trazar cadrados, espirais e óvalos de diferentes maneiras. Aplicaron a construción destas figuras xeométricas, xunto con outros contidos de debuxo artístico, ás súas obras  cun resultado máis que satisfactorio.