Como actividade de fin de curso o alumnado de 1º da ESO pintaron despois de moldear en arxila branca unhas fichas para o xogo do Tres en Raia. Eleximos o tema da alimentación porque o estabamos dando en lingua galega dentro do proxecto «Guía definitiva de alimentos de tempada para os que queren salvar o planeta».
1 ESO, Curso 23/24, Educación Plástica, ESO, Tecnología, Trabajos
Neste terceiro trimestre o alumnado de 3º ESO creou un florido mural para celebrar a chegada da primavera con un cento de rosas elaboradas con espirais. Primeiro, en debuxo técnico, aprenderon a trazar varios tipos de espirais. Despois debuxaron un destes tipos en folios de cores ou cartolinas. Recortáronas para enroscalas e crear, así, as fermosas rosas que pegaron nas letras que compoñen a palabra: «PRIMAVERA».
3 ESO, Curso 23/24, Educación Plástica, ESO, Polos creativos, Trabajos
Este curso 2023-24 o alumnado de 1º ESO, dentro do proxecto de «Diario de Campo», estudaron o nome en galego das aves que podemos ver a cotío e nos amenizan cos seus cantos e as súas cores. Realizaron varias actividades con este léxico (glosario, xogos, Kahhots…), e entre elas a actividade «As nosas veciñas do aire» que realizaron xunto coa materia de Ed. Plástica e Visual. Nesta actividade buscaron e elixiron un paxaro para debuxalo e pintalo con témperas. Pintáronos polos dous lados, recortáronos e fixéronlles un buratiño por onde poder colgalos. Fixeron despois unha exposición con todos eles no corredor que leva ás súas clases para poder lembrar e repasar os seus nomes cada vez que os observan.
A finais do segundo trimestre e principios deste terceiro @s alumn@s de 1º da ESO, dentro da unidade didáctica de debuxo técnico, traballaron co círculo elaborando unha longa cortina de círculos. Mediron e calcularon o número de círculos necesarios para cubrir os máis de 6 metros que lles tocaba elaborar a cada grupo, debuxaron e recortaron cada círculo e distribuiron o traballo á hora de colocalos en cadansúa tira. Traballaron con moito esforzo e obtiveron un gran resultado.
1 ESO, Curso 23/24, Educación Plástica, ESO, Polos creativos, Trabajos
Este 2º trimestre o alumnado de 1º da ESO traballaron os elementos básicos de expresión grafoplástica: a leña, o punto e o plano para crear unha obra artística abstracta.
Curso 23/24, Educación Plástica, ESO, Polos creativos, Trabajos
Este é o incribel resultado do traballo que realizaron este ano os alumnos de 1º da ESO con círculos de cartolinas:
Estes son algúns dos marabillosos debuxos que presentaron os alumnos de 1º da ESO para traballar a liña e o plano este curso 2021-2022. Están realizados con témpera e rotulador permanente.
Este ano os alumnos de 1º da ESO na materia de Ed. Plástica e Audiovisual realizaron o seu autorretrato con 2 Graos de Iconicidade diferentes, un alto e outro máis baixo.
Brabo por eles!!! Adeviña quen é quen:
Este ano 2022 os alumnos de 1º da ESO crearon, dentro do Proxecto de Ortografía coas materias de Lingua Castelá e Ed. Plástica e Audiovisual, estes fermosos debuxos de insectos para recordar mellor a súa escrita e coa técnica da ortografía ideovisual.
1 ESO, Curso 21/22, Educación Plástica, ESO, Lengua Castellana/Gallega, Trabajos
Os alumnos de 3º da ESO presentáronse ao concurso fotográfico xuvenil convocado polo Museo de Pontevedra co título «Pegadas de mar e de terra«. Como actividade complementaria á exposición de José Suárez, propuxeron un concurso de fotografía co móbil no que inmortalizar o traballo das nosas xentes, como fixo no seu día José Suárez, e as súas pegadas no mar e na terra.
