Os residuos orgánicos das nosas merendas e comedor non se tiran ao lixo, senón que dúas patrullas se encargan de recollelos e depositalos nos composteiros ubicados no bosque do centro.
O alumnado de 6º de Educación Primaria desenvolve al longo do curso un proxecto sobre compostaxe escolar, asumindo a responsabilidade de recoller os residuos orgánicos de todos os cursos de Educación Primaria.
O alumnado de 1º ESO, concienciados da importancia de coidar o patrimonio cultural e natural, recolle e separa os refugallos que atopan durante a súa visita á Illa das Esculturas de Pontevedra.
O alumnado da aula Azul comeza con moitas ganas os traballos da horta fresando o terreo coa axuda de Javi e transplantando as plantas de allos que sementaron no mes de decembro reutilizando envases de leite. Prepararon a terra co compost feito meses atrás e con cinza obtiva da queima de rastroxos do noso bosque.
As nosas familias participan no concurso de Nacementos e Misterios organizado polo Departamento de Pastoral, como cada decembro.
Para as súas creacións empregan o seu propio corpo e pinturas, cartolinas, fitas, lá, elementos naturais, como piñas, ramas verdes, pauciños ou palla, e reutilizan vasos de café, cubertos de madeira ou caixas de cartón e de ovos.
Nesta edición resultaron gañadores Athenea, Xurxo, Alba e India e as súas familias. Parabéns!
O 22 de outubro, o alumnado do terceiro ciclo de Educación Primaria e ESO gozaron do monólogo científico «Móvete co bioetanol», de Big Van Ciencia, que lles achegou en tono de humor conceptos clave sobre os retos de desenvolvemento sostible e a tecnoloxía do bioetanol.
O 24 de setembro, o alumnado da aula Azul e 4º ESO B iniciaron viaxe cara A Coruña para gozar do premio acadado o pasado mes de xuño polos seus respectivos cadernos de campo, presentados ao concurso da Voz de Galicia «Xornalistas Naturais» o curso pasado.