Na última semana do segundo trimestre quixemos deixar a punto a horta. Por iso, nestas xornadas, contamos coa colaboración do alumnado da aula Verde, que traballou arreo para deixar a horta lista ata a volta das vacacións de Semana Santa. Xuntos plantamos bulbos, recoletamos limóns, quitamos malas herbas, recollemos plásticos, hacemos compost e podamos as ramas secas do ourego.
Cos allo porros realizamos a última plantación deste mes de marzo, coa colaboración dos compañeiros da aula Verde.
No obradoiro de encadernación, o alumnado da aula Azul preparou uns cadernos e marcapáxinas para agasallar aos relatores das diferentes charlas dentro do proxecto de centro «Animais da nosa vida».
Despedimos o mes de febreiro cunha das actividades que máis nos diverte: acariñar e montar a Moka e Bali na hípica Appaloosa, en Marcón.
O alumnado da aula Azul colabora co coidado da contorna limpando de refugallos a praia da Posta, que nos recibe á entrada do colexio.
Este Nadal, o alumnado da aula Azul agasalla as súas familias cun «vaciabolsillos» inspirado nas follas das árbores no outono que realizaron nos obradoiros.
Traballaron coa pasta de secado ao aire e empregaron pinturas metalizadas para decoralas e darlles un aspecto máis festivo, propio destas datas.
Os rapaces e rapazas das aulas Vermella e Laranxa realizaron un obradoiro onde puideron traballar os sentidos do olfacto, do gusto e do tacto mediante a manipulación de distintos froitos de tempada.
O alumnado da aula Azul traballou arreo nos obradoiros para decorar unhas caixas de madeira.
Despois de limpar e lixar, pintaron e decoráronas ao seu gusto.
.jpeg)
O alumnado da aula Azul desprazouse ata A Coruña para desfrutar do seu premio como gañadores da 1ª Edición do concurso «Caderno de campo-xornalistas naturais», do programa prensa-escola do xornal A Voz de Galicia.
O venres 9 de xuño, a aula Azul achégase ao MUNCYT (Museo Nacional da Ciencia e da Tecnoloxía de España) trala entrega de premios do programa Prensa-Escola, do xornal A Voz de Galicia.
Desfrutaron da visita percorrendo as diferentes salas e descubrindo aparellos que non coñecían dada a súa antigüidade.
