Coñecendo a fábrica de Clesa (Caldas de Reis)

Como xa sabedes, o pasado venres 10 de febreiro os alumnos de 3º de Educación Primaria fumos á Fábrica de Clesa.

Aínda que cando saímos do cole caían unhas pingueiras arriscámonos e decidimos poñer rumbo á Carballeira de Caldas de Reis para merendar.O tempo portouse moi ben con nós e saiu o sol. Estivemos un anaco de tempo e logo xa marchamos para a Fábrica,estabamos moi impacientes por ver todo o que nos esperaba.

Alí recibiunos Carlos e Quique,un escritor e ilustrador que nos amosaron a fábrica e contáronnos un conto e ata fixemos un debuxo dunha vaca cunhas instruccións que nos foron dando.

Tamén tomamos uns batidos riquísimos de chocolate e levamos uns iogures cun conto para casa.

Antes de chegar ao cole paramos no parque da Xunqueira a botar unhas carreiras.

Foi un día estupendo onde o pasamos moi ben e portámonos mellor.

Aquí deixamos unhas fotos que esperamos que vos gusten!

Apertas!

Ver más imágenes