«De excusión ao Vigozoo»

O mércores 4 de Xuño, os nenos/as de 4º de Educación Infantil máis os da Aula Vermella fomos de visita ó Zoo da Madroa en Vigo.

Saímos do colexio coas nosas mochilas cargadas de ilusión e de ricas merendas, que tomamos alí, nada máis chegar, para coller forzas.

Despois da merenda dirixímonos á entrada, onde nos agardaban dous agradables monitores que nos guiaron por todo o recinto e nos ensinaron moitas curiosidades sobre os animais que atopabamos polo percorrido. Algúns escondíanse ó sentirnos chegar, pero outros, coma os osos exhibíronse a placer.